föstudagur, janúar 27

Prófaði DDV matinn á Nings í hádeginu. Fékk mér kjúkling með grænmeti í chili og soyasósu - sem var bara mjög fínt þrátt fyrir að vera ekkert smá sterkt. Það byrjaði að renna úr nefinu á mér og allt. EN þetta er ekkert smá dýrt - 1495 kr. takk - fyrir 120 gr. af kjúkling, 300 gr af grænmeti og 75 gr. af hrísgrjónum.

þriðjudagur, janúar 17

Ég er hryllilega svekkt yfir því hvað ég hef lesið lítið af bókum undanfarið. Þegar ég var í Bretlandi þá var ég "skikkuð" í klukkutíma matartíma þ.e. það var ekki inn í myndinni að taka styttri matartíma og fara fyrr heim (svo varð hann að byrja annað hvort klukkan 12, 12:30 eða 13). Þar sem ég nennti ómögulega að sitja við skrifborðið mitt og vera eitthvað að vesenast á netinu þá fór ég alltaf í kaffiteríuna með hádegismatinn minn og las í klukkutíma. Það notaði eiginlega enginn þessa kaffiteríu nema ég og ca. 15 aðrir (í 200 manna fyrirtæki) þannig að það var fínn friður þarna til að lesa og ég las þessi þvílíku ósköp af bókum. Þetta gerir ég ekki núna þar sem matartíminn er fyrir utan tímana mína og maður bara rétt skellir í sig matnum og svo er haldið áfram. Markmið janúarmánaðar er að búa mér til svona lestrarklukkutíma, t.d. þegar ég kem heim úr vinnunni, amk 3 í viku. Ég fór eitthvað að hugsa um þetta meðal annars vegna þess að ég fattaði að ég er ennþá að "lesa" bók sem Begga lánaði mér fyrir mörgum mánuðum síðan (og ég átti að vera búin með fyrir endan á ágúst; Good in bed), ég er með bók í láni frá Ellu Maju og svo á ég 4 bækur sem ég á eftir að lesa þar af eina sem ég var bara að deyja ég hlakkaði svo til að hún kæmi út... ég keypti hana á síðustu dögunum sem ég bjó í Norwich. Frekar glatað.

föstudagur, janúar 13

Mér finnst merkilegt hvað Skjár 1 er góður í því að ná í þætti sem hafa verið stoppaðir í framleiðslu eftir 10-13 þætti. Í sumar var það Couplings (us útgáfan), Peacemakers og svo var eitthver einn annar þáttur sem ég man ekki hvað heitir.
Nú eru þeir að auglýsa nýjan þátt, Threshold sem er auglýstur eins og þetta sé besti þáttur sem hefur verið framleiddur ever (sem getur svo sem vel verið - gæði eru víst engin trygging fyrir því að þættir séu látnir halda áfram í framleiðsu). Þeir eru að sýna annan þátt sem kallast Handler sem var víst hætt að framleiða líka eftir 13 þætti og svo sá ég auglýsingu að þættir sem kallast The Reunion ætti að byrja á Sirkus fljótlega. Samkvæmt mínum sjónvarps-gossip-upplýsingum (sem er eina ástæðan fyrir því að ég hef heyrt um þessa þætti) þá ganga þessir þættir út á reunion úr gagnfræðaskóla og annað hvort var einhver drepinn á reunion-inu eða var drepinn þegar þau voru öll í skóla (er ekki alveg með þetta á hreinu) ... allavega... það er víst verið að ákveða þessa stundina hvort það eigi að stoppa framleiðsluna á þessum þáttum og framleiðendur þáttanna eru víst ekki einu sinni búnir að ákveða hver var morðinginn þannig að þeir sem hafa fylgst með þessum þáttum fá aldrei að vita hver hann var... sem var víst pointið með þættinum. Þannig að ég mæli ekki með því að fara að detta í þessa þætti.

I'll keep you posted on the show's health condition!!

mánudagur, janúar 9

Gellur og kinnar

Ég fór á Fylgifiska í hádeginu og ætlaði að gæða mér á dýrindis fisk en það sem var til var blandaður sjávarréttur (með hörpuskel svo það var útilokað mál), saltfiskurinn var búinn og þá var um ekkert annað að ræða en steinbítskinnar í dijon sósu. Ég hef alltaf sagt að gellur og kinnar væru vondar en mest vegna þess að mér fannst þetta vont hérna einu sinni og hef þ.a.l. ekki smakkað þetta í yfir 20 ár. Ég ákvað að láta slag standa, haga mér eins og ég sé eldri en 6 ára og borða steinbítskinnar.

.. og eins og Jim Carrey sagði svo eftirminnilega: "I've had better"

Þetta var ekki vont en þetta var heldur ekkert gott. Svolítið seigt og skrítið þannig að nú er það komið á hreint að ég er ekki matvönd þegar það kemur að kinnum heldur eru þær bara asnalegar og ekkert neitt rosalega góðar.

BTW: Eru gellur og kinnar það sama??? Spyr sú sem ekkert veit...

föstudagur, janúar 6

Tarantino talar um Ísland á Conan O'Brian... hlekkurinn er undir dagsetningunni 6. janúar.

Það væri gaman að fá að vita frá innherjanum hvort þetta umtalaða partý hafi virkilega verið svona???

miðvikudagur, janúar 4


Jæja, þá er spurningin á hvorn veginn á ég að láta nýja, flotta sófann minn snúa... Vote now!!

Emma!
You are Emma Woodhouse from Emma. A classic
only child personality, you are constantly
trying to rearrange the world (and society) to
suit your personal world-view. Mostly, you
succeed at that! You are persuasive and
charming, and almost always manage to get your
way-- which is good, because, as we all know,
your way is the right way.


Which Jane Austen Character Are You?
brought to you by Quizilla

þriðjudagur, janúar 3

Gleðilegt nýtt ár!!

Það er greinilegt að smáauglýsingar svínvirka. Setti auglýsingu á mbl.is til að auglýsa ljóta og leiðinlega leðursófann (a.k.a. skriflið) fyrir u.þ.b. 2 tímum síðan og er búin að losna við hann. Það verður komið í kvöld að ná í hann.... yesss.

Nýi sófinn minn er ÆÐI - svo flottur og þægilegur og æðislegur. En þar sem ég er með skriflið og nýja, flotta sófann báða inn í stofunni þá hef ég ekki getað notið nýja sófans til fulls EN þegar skriflið loksins fer þá verða nýir og bættir tímar í stofunni hjá Marý. Þá verður loksins hægt að liggja í sófanum (sem var ekki hægt í skriflinu), með timburmenn, borðandi pizzu, drekkandi kók og horfandi á video (sem var reyndar hægt í skriflinu en það verður bara miklu betra í nýja sófanum). Þannig að nú þarf einhver að halda þvílíkt partý svo ég geti dottið í það og verið með timburmenn daginn eftir. Er einhver sem býður sig fram???

Já, og btw - ákveðnir aðilar eru nýbúnir að kaupa flottasta "sjónvarp" sem ég hef séð og ég held að þessir aðilar munu halda næsta júróvision partý?? Er það ekki ;o) ???